Darkar 24 chhungin hri kai 49,310 hmuhchhuak

/
Darkar 24 kalta chhung khan India ramah COVID-19 hri kai 49,310 zet hmuhchhuah leh niin hei hi nikhat-a hri kai hmuhchhuah tam ber ni a ni leh a ni.
Ministry of Health & Family Welfare chhinchhiahna atanga a lan danin darkar 24 kalta chhung khan India ramah sample 3,52,801 enfiah leh niin heng atang hian hri kai hmuhchhuah thar 49,310 an awm leh a, hei hi nikhat-a hri kai hmuhchhuah tam ber ni lehin heng te nen hian India rama hri kai hmuhchhuah chu 12,87,945 an tling ta a ni. Hetihlai hian darkar 24 kalta chhung khan hri kai zinga mi 34,602 te chu enkawl dam niin heng te nen hian hri kai enkawl dam zawng zawng chu 8,17,208 an tling tawh a, hei hi hri kai hmuhchhuah atanga chhutin za zela 63.45 an tling a, hri kai enkawl mek aiin enkawl dam hi 3,77,073 in an tam zawk a ni.
Darkar 24 kalta chhung khan hri kai zingah nunna chan 740 awm leh bawkin heng te nen hian hri kai nunna chan chu 30,601 an tling tawh bawk a, hri kai hmuhchhuah atanga chhutin nunna chan hi 2.37 an tling tawh bawk a ni. ICMR chhinchhiah danin India ram-a Sample enfiah tawh zawng zawng chu 1,54,28,170 a tling tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »