District Hospital pahnih tan Generator hlan

Federation of Mizoram Samagra Employees (FEMSE) chuan COVID19 do nan leh hemi kawnga sawrkar tha tihchakna atan nimin khan Khawzawl leh Hnahthial-a District Hospital-a hman atan Generator an hlan.

FEMSE Council Meeting chuan COVID-19 dona kawnga sawrkar tha tihchakna atan Chief Minister Relief Fund-ah sum pek ve nise ti a an lo rel anga an member te sum thawhkhawm chu a hman dan turah Education Minister hriatpuina in ruahmanna an siam a, hemi ang hian District thar te mamawh tur ngaihven niin a thawhkhatna atan Khawzawl leh Hnahthial District-a District Hospital-ah te an mamawhte zawtin an mamawh ngei tur, Generator chu Chief Minister leh Health Minister pawmpuina in an hlan a ni.

Heng District pahnih Damdawi In-a Generator hlanna hun hi nimin khan Hnahthial leh Khawzawl-ah a ruala neih niin FEMSE President, Lalnunhlima chuan an hlawh lak dan leh an dinhmun ngaihtuah miah lovin COVID-19 hri len tan tirh atangin an pawl member sangli chuangte chuan luanchhuah an lo rilruk tawh tih a sawi a, an awmna a inkarkik bakah hlawh atanga cut te a rem ve si loh avangin an sum thawhkhawm chhung a rei ta tih sawiin, hemi hmalam hian an member te chuan Rs. 200/- theuh chu sawrkar-ah an lo thawh tawh tih a sawi a. A tul angin CO-VID-19 hri dona atan hian hmalak an la tum thu a sawi bawk.