Lunglei Science Centre sak a ni dawn

/
North Eastern Council (NEC) sum cheng nuai 871 seng-a Lunglei Zohnuai-a Lunglei Science Centre & Digital Planetarium sakna tur lungphum chu nimin khan Mizoram Youth Commission (MYC) Chairman, Dr. Vanlaltanpuia chuan a phum.
Nimin-a lungphum phumna hunah hian MYC Chairman chuan Mizorama Science Centre pahnihna tur, Lunglei Science Centre & Digital Planetarium chu Mizoram mipuite, a bik takin chhim lam District te tan malsawmna ropui tak a ni tih sawiin, he Science Centre & Digital Planetarium neih theihna tura hun leh tha leh ngaihtuahna lo sengtu zawng zawng, a bik takin Official-te, Ex-MLA Joseph Lalhimpuia leh khawtlang hruaitute  chungah lawmthu a sawi a. Science Centre & Digital Planetarium dinna tur hmun phal taka petu Zohnuai khawtlang leh School Education Department-te chungah lawmthu a sawi bawk.
Lunglei Science Centre & Digital Planetarium project-ah hian District Science Centre Building, Digital Planetarium building leh Type-II Quarters pahnih sakna tur bakah Science Centre leh Digital Planetarium-a hmanrua hrang hrang leh pholan tur (Exhibit items) te leina a huam vek a. He hna thawk tur hian Contractor, KT. Nghawra, Zohnuai, Lunglei thlan niin Project pumpui hi December 2021-ah zawhfel tum a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »