Latest News

Tomato lakluh titawp thei turin chin tum a ni

Serchhip Division Horticulture Officer (DHO), M. Vanlalzami chuan phailam atanga Tomato lakluh titawp thei tur khawpin Tomato chin kawngah hmalak tum a nih thu a sawi.
Serchhip DHO hnuaia Tomato ching tura thlan te tana Tomato chin leh enkawl dan zirhona nimin-a Center of Excellence, Lengte-a neih ah he thu hi sawiin Serchhip DHO, M. Vanlalzami chuan Tomato chu thlai chi hrang hrang zingah a chinna hmun inang reng-ah sum lalut tam thei thlai a nih thu a sawi a, COVID-19 hri leng avanga ei leh bar a intodelhna kawng khat atan tunhmaa la chin ngailohna ah te Tomato tam zawk tharchhuah a nih theihna turin Horticulture Department chuan hma an lak thu leh Phai lam atanga Tomato lakluh titawp thei tur khawpa hma lak an tum thu a sawi a, Tomato ching tura thlanchhuah te pawh theitawp-a hma la tur leh tih tak zet-a hna thawka hlawhtlin tum ngei turin a chah bawk a ni.
Horticulture Department hian Serchhip DHO hnuaiah Tomato ching tur hian chhungkua 80 thlangin heng te hi Serchhip-a chhungkaw 65 leh Chhingchhip-a chhungkaw 15 te an ni a, nimin-a Tomato chin dan zirhona hunah hian Serchhip DHO, M. Vanlalzami bakah ADHO, Lalnunpuia leh K. Lianhmingthanga, DHC ten a lem nen Tomato chin dan leh enkawl dan an zirtir a, he huna tel te hi a taka enchhinna neihpui niin he huna tel te hi Tomato chi tha, Rs. 300/- man chu a thlawnin an sem nghal a, Tomato chinna tur atana hmanrua an mamawh turte pawh a man tlawm a an lei theih turin Department lam hian an ngaihtuah sak vek tawh bawk a ni.

Comments

Popular News (Last 30 Days)