Tuirial-a chhungkaw 50 hnenah thilpek sem

ZeroTrash, Mumbai leh Green Mizoram Network (GMN) te tangkawp chuan nimin khan Tuirial Airfield huamchhunga chhungkaw 50 te hnenah nitin mamawh eitur (Ration Kit) chi hrang hrang an sem.
Mumbai-a hmunpui nei tlawmngai pawl (Environmental NGO) pakhat, ZeroTrash leh Green Mizoram Network (GMN) te hian Covid-19 hrileng mek avanga Aizawl bawlhhlawh paihna hmun, Tuirial Dumping Ground-a hnathawk (waste/ragpickers) leh a bulhnaia awm Tuirial Airfield-a cheng chhungkaw 50 te hnenah hian Hand Sanitizer, Buhfai, Dal, Tel leh Alu te an hlan a. ZeroTrash, Mumbai hian chhungkaw 40 leh Green Mizoram Network in chhungkaw 10, an vaiin chhungkaw member 218 tan Tuirial Airfield VC kaltlangin heng thil te hi an pe a ni. Nimin-a an thil hlan zawng zawng hi Buhfai Kg. 450, Dal Kg. 200, Alu Kg. 150, Tel litre 50 leh Hand Sanitizer bur 100 a ni.

Comments

Chhiar Hlawhte