Hri kai hmuhchhuah nuai 7 tling dawn hnai

India ramah COVID-19 hri kai hmuhchhuah mi nuai 7 an tling dawn hnai ta a, darkar 24 kalta chhungin hri kai hmuhchhuah thar mi 24,248 an awm a ni.
Ministry of Health & Family Welfare chhinchhiahna atanga a lan danin India ramah darkar 24 kalta chhung khan sample 1,80,596 enfiah leh niin heng atang hian hri kai hmuhchhuah 24,248 an awm leh a, heng mite nen hian hri kai hmuhchhuah zawng zawng chu 6,97,413 niin nuai 7 an tlin lohna hi 2587 chauh a ni tawh a ni. India ramah hian hri kai hmuhchhuah atangin mi 4,24,432 te chu enkawl dam ni tawhin hei hi hri kai hmuhchhuah atangin zaa 60.85 a tling tawh a, tunah hian hri kai enkawllai mi 2,53,287 an awm mek a, enkawl mek aiin enkawl dam hi 1,71,145 in an tam tawh zawk a, darkar 24 kalta chhung khan mi 15,350 te chu dam-ah puan an ni bawk.
Hetilai hian India rama hri kai hmuhchhuah zingah nunna chan an awm belh ve zel a darkar 24 kalta chhung khan mi 425 te chuan nunna chan lehin heng mite nen hian nunna chan hi mi 19,693 an tling ta a, hei hi hri kai hmuhchhuah zawng zawng atangin 2.82 an tling bawk a ni. ICMR chhinchhiah danin tun thlengin India ramah Sample enfiah hi 99,69,662 an tling tawh bawk a ni.

Comments

Chhiar Hlawhte