Home Secretary in tlawh

/
Mizoram sawrkar-a Home leh Disaster Management & Rehabilitation Dpartment changtu Secretary, Lalbiaksangi chuan nimin khan Serchhip DC Office-a District Emergency Operation Centre (DEOC) leh Serchhip District Jail te a tlawh.
DEOC a tlawhna ah hian Home Secretary hi Serchhip DC, Kumar Abhishek leh Addl. DC, HD. Lalpekmawia ten lo dawngsawngin DEOC kalpui dan leh an hmanraw neih te chu a enkual a, an mamawh ang te pawh a hnena thlen turin a ti bawk a ni.
Home Secretary hian Serchhip District Jail tlawhin Superintendent, Laldingliana Chinzah leh a thawhpui ten an lo dawngsawng a, Jail chhung fangin Jail an enkawl dan chu fakawm a tih thu a sawi a, a bik takin faina kawnga an hmalakna te, COVID-19 laka Jail tang te an him theihna tura an hmalakna leh Jail tang te tana Handloom lama hmalakna te chu lawmawm a tih thu sawiin, fuihna thu a sawi a, Jail tang te zanriah chawhmeh man tur hlanin Jail tang te hian Handloom atanga an thil siam te an lo hlan a ni. Tun dinhmunah Serchhip District Jail-ah hian tang 29 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »