Tanpuina dawng turin chhungkaw 12 thlang

Ministry of Rural Development hnuaia National Social Assistant Programe (NSAP) hnuaia BPL chhungkaw zinga eizawngtu ber boral ta te tana hamthatna dawn theihna tur, National Family Benifet Scheme (NFBS) hnuaia tanpuina dawng turin Serchhip District-ah mi 12 thlan an ni.
National Family Benifet Scheme (NFBS) hnuaia Serchhip District-a tanpuina dawng tur thlang tur hian nimin khan NFBS Serchhip District Board chu an Chairman leh Serchhip District Bawrhsap, Kumar Abhishek hovin a Pisa-ah an thukhawm a, he hunah hian kum 2018 atanga he ruahmanna hnuaia Serchhip District-a tanpuina diltu mi 20 te dinhmun chu thlirho niin Social Welfare Department hmalakna in Serchhip District chhunga ICDS Project 2- E. Lungdar leh Serchhip ICDS Project hnuai atangin chungkaw 6 ve ve te chu he tanpuina dawng tur hian thlan an ni.
National Family Benifit Scheme hnuaiah hian BPL chhungkua-a eizawngtu ber a boral chuan he tanpuina hi an dil thei a, kum 18-59 inkar chhungkaw member zinga boral an awmin he tanpuina hi dil theih niin diltu chu kum 18-59 inkar a ni tur a ni thung. He tanpuina hi sawrkar hnathawk awmlohna chhungkua chauhin an dil theih a nih bakah dil nawn theih a ni lo bawk a ni.

Comments

Chhiar Hlawhte