Nikhat-ah hri kai sing hnih chuang hmuchhuak

/
India rama COVID-19 hri kai hmuhchhuah chu 6,25,544 a tling ta a, darkar 24 kalta chhung khan hri kai thar hmuhchhuah 20,903 awmin hei hi nikhat-a hri kai hmuhchhuah an tam ber tum a ni.
Ministry of Health and Family Welfare chhinchhiahna atanga a lan danin darkar 24 kalta chhung khan India ramah sample 2,41,576 enfiah niin heng atanga hri kai hmuhchhuah thar te nen hian hri kai hmuhchhuah tawh zawng zawng chu 6,25,544 an ni a, hri kai hmuhchhuah atang hian mi 3,79,891 te chu enkawl dam ni tawhin hei hi hri kai hmuhchhuah atangin zaa 60.72 an tling tawh a, tunah hian hri kai enkawllai 2,27,439 awmin hri kai enkawl lai aiin enkawl dam hi 1,52,452 in an tam zawk a ni.
Hetihlai hian darkar 24 kalta chhung khan hri kai zingah nunna chan 379 an awm ve leh bawk a, tun thlengin hri kai zingah nunna chan 18,213 awm tawhin hei hi hri kai hmuhchhuah atangin zaa 2.91 a tling bawk a ni. ICMR chhinchhiah dan chuan India rama Sample enfiah tawh zawng zawng hi 92,97,749 a tling tawh a ni.
COVID-19 hri leng mekah hian United States chu hri kai tamna ber ala ni zel a, hri kai hmuhchhuah zawng zawng 27,41,841 tling tawhin Brazil-ah hri kai hmuhchhuah 14,96,858 tlingin an dawt a, Russia chu hri kai hmuhchhuah tam lamah pathumna niin 6,61,165 an tling tawh bawk a, India chu 4-na niin United Kingdom in a dawt bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »