Latest News

Serchhip District-a hri kai enkawl mi 2 an dam leh

Serchhip District chhunga COVID-19 hri kai enkawl mi 2 te chu enkawl dam an nih hnuah nimin khan chhuahtir an ni.
Tunhnaia ZMC-a hri kai hmuhchhuah, Thenzawl AYUSH Hospital COVID Care Centre (CCC)-a enkawl tura rawn lak mi 13 zinga mi 2 te chu hri lakah an fihlim tawh tih finfiah a nih hnuah nimin khan CCC atang hian chhuahtir an ni a, heng mite hi mipa ve ve niin NDRF, Lungverh ami te an ni. Heti hian Serchhip District-ah COVID-19 hri kai en-kawllai mi 16 an la awm mek a, Thenzawl-a CCC-ah mi 11 enkawl mek niin Serchhip-a DCHC-ah mi 5 enkawl mek an la ni bawk.
Serchhip DCHC-a enkawl mek te hi nimin khan an Sample lak niin ZMC-ah thawn a ni anga, a hmaa hri kai tawhlo zingah hri kai tawhlo tih nemngheh theih an awm chuan anmahni enkawlna hmun atang hian chhuahtir theih an ni tawh dawn a, nimin ah Sample thawn thar erawh a awmlo thung a ni.
Nimin khan Serchhip District-a sawrkar hmunhma a inkhunghrang 7 te chu chhuahtir leh an ni bawk a, heti hian tun dinhmun ah Serchhip District-ah sawrkar hmunhmaa inkhunghrang mi 58 awm mekin mahni In lama inkhunghrang 45 an awm bawk a ni.

Comments

Popular News (Last 30 Days)