Chanchin thar thenkhat :

Quota hnawhkhat dawn

Chief Minister, Zoramthanga hmalakna in Regional Institute of Medical Sciences (RIMS), Manipur-a Mizoram in Post Graduate Course-a quota a neih 7 chu a vaiin hnawhkhah theih a ni dawn. Mizoram sawrkar hian tun dinhmunah RIMS-ah hian PG Course zir tur candidate 7 a sponsor thei a. NEET-PG paltlanga Admission tifel tawh mi pali (4) te bakah a dang Seat awl pathum la awm chu hnawhkhah ngei a nih theih nan Chief Minister, Zoramthanga chuan RIMS Director, Prof. A. Santa Singh chu tunlai boruaka Medical line lama mi thiam bikte kan mamawhna a zual zel avangin lehkha thawn mai bakah Telephone hmangin a bia a. Chief Minister dilna leh Mizoram dinhmun te an zirchian hnuin RIMS lam thuneitute atangin Admission pawh tifel thuai turin ruahmanna siam fel a nih thu dawn a ni.

Zirlai 2 lawmpuina hlan
Mizoram IAS Association chuan tunhnaia HSSLC (pawl 12) Exam result chhuaktaa Science Stream-a pakhatna Lalremsiama, Tanhril leh Arts Stream-a pariatna, Vanlalvenhimi, Dur-tlang North te chu Inrinni khan Mizoram Lok-ayukta Chairoerson Office-ah lawmpuina hun an buatsaih a, he hunah hian heng zirlaite fuihna thu an sawi bakah lawmpuina Rs. 25,000/- ve ve an hlan nghal bawk. Heng zirlai titha pahnih te hi chhungkaw harsa ve tak atanga lehkhazir, hetianga hlawhtlinna nei ta hi an ni.

Tuitla ruang hmuh a ni
Ningani kalta, July 16, 2020 tlai dar 4:00 vel-a Khawchhak Tuipui-a chesual-a tui-a tla, Thanggoliana (54) chu nimin chhun dar 12:00 vel khan a chetsualna atanga KM chanve vela hla Mualzen li-ah ah a ruang hmuh a ni. Thanggo-liana hi Tuipui lui kam-a Lalringa leilet enkawl in thangkhatlian vel zet a awm tawh a, Ningani khan buh phun tura hlawhfa bia-a a haw chu hmuh zui a nih loh avangin tui-ah hian a chesual nia rin niin khawtlang huapa zawn a nih hnuah nimin khan hmu-a vuiliam nghal a ni.

MJA Welfare & Pension Rules
Lawngtlai District-a thuthar thehdarhtuten  an hna an chawlhsan huna an intuamhlawmna tur, Lawngtlai District MJA Welfare & Pension Rules 2020 chu Zirtawpni khan Lai Autonomous District Council-a Chief Executive Member, T. Zakunga chuan a tlangzarh a. Hetianga MJA Lawngtlai District Welfare & Pension Rules 2020 siam a ni chu an lawm hle tih MJA te chuan sawiin, Journalist te dinhmun hrethiamtu LADC sawrkar an nei chu lawmawm an tih thu an sawi bawk.

Misual in ramkal vawthlu
Nilaini kalta, July 15, 2020 khan Nem-thuami (75) w/o PC. Thangchuanga, New Diak-kawn (Kolasib) chu leipui-a a fehna ah misualin a tukkhum-ah vua in a pawisa ah lai Rs. 12,000 laksakin a tlanbo zui a. Pawikhawihtu nia hriat, Lalchhandama s/o Biakmawia, Bilkhawthlir chu Police ten manin Jail-ah dahluh nghal a ni. New Diakkawn Branch MHIP chuan pawi-khawihtu hi dan hmangin a na thei ang bera hremna pek an duh thu an sawi bawk.

Comments

Chhiar Hlawhte