Chanchin thar thenkhat :

Compartment result chhuak

Kumin a HSLC (pawl 10) Exam result chhuaka Subject bat nei te tana Exam buatsaih result chu nimin khan tichhuah a ni. Mizoram Board of School Education (MBSE) in kumin a HSLC Exam a buatsaih result chhuaka Subject bat nei (Compartmental chance nei) te tana Exam a buatsaih ah hian Exam tura zirlai inziaklut mi 143 atangin 137 ten an Exam a, zirlai 63 ten pass in 74 erawh an Fail thung a, pass percentage chu 45.99 a ni. Heti hian kumin a HSLC (pawl 10) result chhuakah zirlai 18,036 ten Exam in 12,393 an pass a, zirlai 5643 te Fail in pass percentage chu 68.71 a ni. HSLC-ah hian Distinction-ah mi 852 pass in 1st Division-ah 2865, 2nd Division-ah 4536 leh 3rd Division-ah 4140 te an pass a ni. Serchhip Centre-ah HSLC Compartmental Exam hmachhawn mi 10 awmin mi 7 in an pass a ni.

Board thutkhawm neih a ni
SEDP hnuaia AH&Vety, Fisheries and Sericulture Board chu nimin khan an Chairman leh AH&Vety Minister, Dr. K. Beichhua hovin a Pisa-ah an thukhawm a, he hunah hian Minister chuan natna hrileng avanga Board hmalakna a khaihlak hnuah Line Department, AH & Vety hnuaiah kum 2019-2020 Financial Year hluia mi tur SEDP Pilot Project kalpui chhunzawm theih tur chu lawmawm a tih thu sawiin, COVID-19 hrileng avangin kut kuangkuaha awm reng thei an nih loh thu leh phai atanga sa lakluh a harsat tak avangin ei leh bar lama Mizoram intodelhna atana Board hmalakna hi COVID-19 hrileng dona chi khat a nih thu a tarlang bawk. 

Sangha chaw siamna hlan tum
Fisheries Department in Sangha chaw siamna (Fish Feed Mill)  Aizawl, Kolasib, Bilkhawthlir, Champhai leh Saitual-a a neih te mimal leh pawl hnena hlan dan tur chungchang nimin khan Fisheries Minister, K. Lalrinliana hovin a Pisa-ah sawiho a ni a, ruahman ang chuan Agreement siamin a hma thei ang berin hlanchhawn tum a ni.

Thenzawl-ah Lockdown tihtawp a ni
Tunhnaia Lawngtlai-a hri kai hmuhchhuah te an khua-a an chawlh avang leh an lo tlawhpawh te chhuichhuah an nih theihna tura Thenzawl khuaa chawlhkar khat chhung Total Lockdown kalpui chu nizan hmasa khan tihtawp a ni a, hemi chhung hian heng mite lo tlawhpawh hnaih mi 12 te Swab Sample chu tum hnih enfiah niin hri kai hmuhchhuah an awmlo a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn