Latest News

Serchhip District-ah kum chanve chhungin Police ten thubuai 27 an ziaklut tawh

Serchhip District Police te chuan kumin kum chanve chhungin thubuai ziahluh 27 neiin heng zinga thubuai 20-ah chuan Chargesheet thehluh a ni tawh.
Serchhip District-ah hian Police Station pathum- Serchhip, Thenzawl leh North Vanlaiphai te awmin heng Police Station te hian kumin January thla atanga June thla thleng khan thubuai 27 an ziaklut a, heng thubuai ziahluh zinga 18 te hi IPC hnuaia ziahluh niin a dang 9 te hi Non-IPC hnuaia thubuai ziahluh te an ni. Kum chanve chhunga thubuai ziahluh 27 zinga 20-ah hian Chargesheet thehluh ni tawhin thubuai 18 te chungchang chu Court-ah ngaihtuah mek niin thubuai 2 chu chinfel a ni tawh a, thubuai 7 te chu chhui zui mek a ni thung.
Serchhip District Police ten IPC hnuaia thubuai an ziahluh 18 zinga thubuai 12-ah te chuan Chargesheet thehluh ni tawhin a dang 6 te chu chhui zui mek an ni a, Chargesheet thehluh tawh case pakhat chu chinfel niin a dang 11 te chu ngaihtuah mek a ni thung. IPC hnuaia thubuai ziahluh zingah hian rukruk kaihhnawih thubuai tam berin thubuai 9 ziahluh a ni a, midang chunga suahsualna thil kaihhnawih ah thubuai 3 ziahluh niin tualthah kaihhnawih ah thubuai 2 ziahluh a nih bakah mipat hmeichhiatna lama midang tihbuaina chungchang ah te, midang tihnatna te, lirthei chetsualna-a nunna channa leh IPC Section dang-a thubuai ziahluh pakhat ve ve a awm bawk a ni.
Kumin kum chanve chhunga Non-IPC hnuaia thubuai ziahluh 9 zinga 8-ah te chuan Chargesheet thehluh ni tawhin thubuai pakhat chu chinfel ni tawhin thubuai dang 7 chu Court-ah ngaihtuah mek a ni thung a, thubuai dang pakhat chu chhui zui mek a ni bawk. Non-IPC hnuaia thubuai ziahluh zingah hian Zu leh a kaihhnawih thubuai 4 awmin thubuai lut tam ber a ni a, ruihhlo leh a kaihhnawiha man te thubuai siam sakna thin ND&PS Act hnuaiah thubuai 2 ziahluh niin Charge-sheet thehluh ve ve a ni tawh a, Juvenile Justice (JJ) Act hnuaia thubuai pakhat ziahluh niin Protection of Children from Sexual Offences (POCSO) Act hnuaiah leh Foreigner Act hnuaia thubuai ziahluh pakhat ve ve a awm bawk a ni.

Comments

Popular News (Last 30 Days)