Gas buk tlinglo man

Serchhip-a Legal Metrology Enforcement Staff te chuan nimin khan Serchhip-ah Gas buk tlinglo thahnem tak an man.
Thudawn danin Serchhip khawpui chhunga sem tur eirawngbawlna Gas hi Truck Mz-01E-0155 chuan Borkhola Bottling Plant atangin Serchhip-ah rawn phur thlengin nimin khan Serchhip P&E Veng-a Gas semna hmun hrang hranga sem tura ruahman a ni a, amaherawh chu Legal Metrology Enforcement Staff ten an bukna ah buk tlinglo a awm tih hmuhchhuah a nih avangin mipuite hnena semchhuah a nih hmain buk vek a ni a, hetah hian buk tlinglo bur thahnem tak hmuhchhuah a ni a, buk tlinglo nia hriat te hi Vawiin lamah buk nawn leh tura ruahman niin hei vang hian buk tlinglo an man zat hi hriatchian theih ala nilo thung.
Serchhip Mizofed-a thawktute chuan tun dinhmunah Serchhip-ah eirawngbawlna Gas a thleng tluang tih sawiin, harsatna a awmloh thu an sawi a, tunah hian kawng laka rawn thang mek bawk Trip thum (3) a awm tih an sawi bawk.

Comments

Chhiar Hlawhte