Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Serchhip-VII VC ten Serchhip District Hospital tan Ambulance an hlan

Serchhip-VII Village Council chuan Rs. 6,15,376/- senga Ambulance an lei chu nimin khan COVID-19 do nan leh a tul apianga hman atan Serchhip District Hospital hnenah an hlan.
Serchhip-VII Village Council ten Serchhip District Hospital tana Ambulance (Eeco Van) an hlanna puala inkhawm tawi Serchhip CMO Conference Hall-a neih ah hian Rev. Lalawmpuia, Serchhip chuan Pathian hnena Ambulance hlanna neiin Serchhip-VII VCP, H. Lalthianghlima chuan Ambulance Chabi hi Serchhip CMO, Dr. Laldawngliana Sailo leh District Medical Superintendent, Dr. ZD. Lalmuanawma te hnenah a hlan a ni.
He hunah hian Serchhip-VII VCP, H. Lalthianghlima chuan VC-a an in candidate atangin langtlang sawrkar din an intiam tih sawiin, thlantlin an nih hnuah vengchhung-a mi harsa zual chhungkaw panga (5) te In sak sak ngei an tum thu sawiin, Village Council in Excluded Fund te, State Finance Commission atangte leh MGNREGS Material Component te an dawn atanga an sum dawnte leh mipui thawhkhawm awm ang chi te a nihna turah ren tak tak leh tha taka thawkchung sia an hman zel thu a sawi a. Chung an hnathawhna atanga an sum hman bang awm ang ang hmang chuan miharsa In tur pahnih (2) an sak tawh thu leh hri leng avanga Serchhip District Hospital pawhin Ambulance an mamawh belh tih an hriat avangin an pawisa la neih ang ang te chu Ambulance atan hman tha an ti tlang leh ta rih zawk tih a sawi a, Maruti Eeco Van hi Ambulance atana a siam danglam lehna zawng zawng nen Rs. 6,15,376.00 an sen thu leh hetianga thiltih an tum thu hi Health Minister, Dr. R. Lalthangliana pawh an hriattir thu a sawi bawk.
He hunah hian Serchhip District Medical Superintendent, Dr. ZD. Lalmuanawma leh CMO, Dr. Laldawngliana Sailo te pawhin Serchhip-VII VC chungah hian lawmthu sawiin, Hospital in Ambulance chu nei mahse indaih tak tak a harsa a, COVID-19 dona thilah rim taka hman a nih reng laiin natna dang tuarte Serchhip-a rawn phurh thlen nan te, Serchhip atanga Aizawl phurh thlak nante leh Emergency thil dang tam takah mamawhna a awm reng a. He Ambulance thar pawh hi tangkai taka hman a nih ngei an rin thu an sawi bawk.

Comments

Chhiar Hlawhte