Sports Minister in Private Company te a sawm

Zonuna Kawlni /
Niminpiah tlai khan Federation of Indian Chamber of Commerce & Industries (FICCI)-in Sports Industry tihhmasawn dan tur leh Private Company ten Sports hmasawnna atana an tanlak theih dan Online-a sawihona, FICCI Webinar an buatsaih a, he hun hi Sports Minister, Robert Romawia Royte chuan hmanpuiin Key Note Address a nei.
He hunah hian Mizoram Sports Minister chuan North East leh India laipui dawh-zawmtu pawimawh chu Sports a ni,” tiin North East atangin ISL leh I-League-ah Players 40% chuang an awm thu leh infiamna ruhrel neilo chungin India chawisangtu an ni tih a sawi a. Mizoram pawhin infiamna hmunhma nei chau em em chungin National Champion te pawh tam tak a neih thu a sawi bawk.
Private Company lian te chu Mizoram Sports tihmasawn tura sawmin Sports Minister chuan, sawrkar in Sports Policy tha tak nen a welcome thu leh Mizoten infiamna-a talent an neih thatzia chu tlang hriat a nih thu a sawi a. Archery Items pakhat mah Mizoram-a a awm loh laiin Lalremsanga chuan India aiawhin Olympic-ah Archery a lo khelh phak thu leh International Football Ground nei miah lovin Aizawl FC chuan Asia League khelin Home Ground-ah Guwahati hman hman a tul thu te a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »