Gas buk tlinglo 63 thawnkir

Legal Metrology Enforcement Staff ten niminpiah-a Serchhip-a eirawngbawlna Gas buk tlinglo an man chu a vaiin Bur 63 a ni a, heng te hi nimin khan thawnlet a ni.

Nimin lama tarlan tawh angin niminpiah-a Serchhip-a eirawngbawlna Gas rawn phurhthlen, P&E Veng-a sem tura rua-hman chu Legal Metrology Enforcement Staff ten an enfiah hnuah buk tlinglo a awm nual tih hmuhchhuah a ni a, hei vang hian a semna hmunah uluk taka enfiah niin buk tlinglo nia hriat te dahhran a nih hnuah nimin khan buk leh niin buk tlinglo te hi a vaiin bur 63 a ni a, heng te hi chawhrualin bur khat-ah Kg. 4.13 zelin a tlinglo anga chhut a ni. He Gas rawn phurtu Truck hian Zirtawpni kalta, July 3, 2020 khan Borkhola Bottling Plant-ah Load lain July 9-ah Serchhip a rawn thlenpui a, he lirthei khalhtu, Oliur Rahman Lasker, Dhanipur, Silchar chu Legal Metrology Act 2009, Sec 30 hmanga Rs. 4000/- chawitir niin Cylinder buk tlinglo te hi nimin vek khan Bottling Plant lamah thawnlet nghal a ni bawk.