Health Minister in Mizoram mamawh a thlen

Zonuna Kawlni /
Ministry of AYUSH buatsaihin ‘Webinar on National AYUSH Mission & Opera-tionalization of AYUSH Health & Wellness Centres under Ayushman Bharat’ chu nimin khan neih niin Mizoram atangin Health Minister, Dr. R. Lalthangliana pawh a tel a ni. Union Minister of State for AYUSH, Shripad Naik hova Webinar on National AYUSH Mission-ah hian Dr. R. Lalthangliana chuan Mizoram-a AYUSH hmalakna te sawiin, COVID-19 dona kawngah AYUSH Doctor leh Health Worker te thawhhlawk zia leh an fakawm zia a sawi a, hmun hrang hrangah a hmatawngah tangin AYUSH damdawi te pawh a mamawhtute hnenah semin an thawkrim hle tih a sawi. Health Minister chuan Aizawl, Champhai leh Hnahthial-a khum 50 awmna AYUSH Hospital sak tura rawtna siam chu ngaihpawimawh sak tur leh a hlawhtlin thuai theih nan chak taka hma la tura ngenin, Mizoram-a Health Sub-Centre/Urban Primary Health Centre 38 chu National AYUSH Mission hnuaiah Health & Wellness Centre-a hlankai tum a nih thu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »