Hri kai 2 hmuhchhuah niin enkawl dam 1 awm

Niminpiah-a ZMC Laboratory-a Sample enfiah zingah hri kai hmuhchhuah mi 2 awmin nimin khan hri kai pakhat enkawl dam a ni thung.
Sawrkar thuchhuah tarlan danin niminpiah-a hri kai hmuhchhuah te hi Aizawl District leh Champhai District mi te niin mipa leh hmeichhia, kum 55 leh 56 mi an ni a. Champhai District mi hi Myanmar atanga rawn haw, Quarantine Centre-a awmlai niin Aizawl District ami hi hri kai nena khawsak ho atanga kai, In lama inkhunghrang lai a ni thung a, taksa a natna lanchhuahna neilo a ni.
Hetihlai hian June 12-a hri kai hmuhchhuah, MST Bus Conductor chu enkawl dam a nih hnuah nimin khan damdawi In atanga chhuahtir a ni a, heti hian Mizoram-ah hri kai hmuhchhuah 162 atangin mi 127 te chu enkawl dam an ni ta a, enkawllai mi 35 an la awm mek a ni.

Comments

Chhiar Hlawhte