Bawrhsap in NGO te kawm
Serchhip District Bawrhsap thar, Kumar Abhishek IAS chuan nimin tlai khan a chenna In ah Serchhip District NGO Coordination Committee hruaitute kawmin thawhhona tha tak neih a duh thu a sawi.
Serchhip Khawtetlang DC Bungalow-a Serchhip District NGO Coordination Committee hruaitute a kawmna hunah hian Bawrh-sap thar, Kumar Abhishek chuan kum 2018-ah Mizoram-ah a rawn awm tan thu sawiin, West Phaileng-ah SDO (Civil) hna a a chelh tawh thu leh Aizawl District-ah Addl. DC hna a chelh tawh bawk thu a sawi a. Serchhip District-a NGO te nen thawhhona tha tak an neih theih nan hetianga inkawmna hi neih a duh avanga leng-ah sawm a nih thu sawiin, an pawl hmalakna leh khawtlang thil ah harsatna an nei a nih chu engtik hunah pawh a hnena thlen hrehlo turin a chah bawk.
Bawrhsap thar chuan Mizoram-ah awm mah se Mizo tawng ala thiam tam loh thu sawiin, chu chu mipuite pawhin harsatna atan hmang lo se a duh thu a sawi a, harsatna an neih te pawh a hnenah Mizo tawng a sawi tur leh a tul anih chuan tawng lettu pawh ruahman a nih tur thu a sawi bawk.
Bawrhsap thar in Serchhip District NGO Coordination Committee hruaitute a kawmna hunah hian Serchhip Sub-Hqrs. YMA hruaitute, MHIP Sub-Hqrs. Serchhip hruaitute, MUP Serchhip District hruaitute leh MZP Hqrs. Ser-chhip hruaitute telin an pawl dinhmun leh an hmalak dan tlangpuite Bawrhsap hi an hrilh a, Bawrhsap thar in hma la se an duhna hrang hrang te sawiin, inkawmna hun tha tak an nei a, Bawrh-sap hi a nupui, Neetisha Verma IRS chuan a tawiawm a ni.
Comments
Post a Comment