Mizoram-a mi 15,523 te Swab Sample enfiah tawh

Nimin thleng khan Mizoram-a mi 15,523 te Swab Sample enfiah ni tawhin heng atang hian COVID-19 hri kai 203 hmuhchhuah a ni tawh.

Sawrkar thuchhuah tarlan danin nimin thlenga Mizoram atanga Swab Sample enfiah tawh zinga a tam ber hi ZMC Laboratory-a enfiah niin 14,993 enfiah a ni tawh a, Lunglei Civil Hospital-a Truenat-PCR khawl hmangin Sample 472 enfiah ni tawhin Silchar Medical College-ah Sample 41, Guwa-hati Medical College-ah 12 leh NICED, Kolkata-ah Sample 5 enfiah a ni tawh bawk a ni.

Heng Sample enfiah hrang hrang atang hian hri kai hmuhchhuah mi 203 awm tawhin heng zinga tam ber, 192 chu ZMC Laboratory atanga hmuhchhuah a ni a, Lunglei Civil Hospital-a Truenat-PCR khawl atangin hri kai 10 leh Guwahati Medical College atangin hri kai pakhat hmuhchhuah a ni tawh bawk a. Heng hri kai te hi enkawl nghal zel niin mi 143 te chu enkawl dam niin damdawi In atanga chhuahtir an ni tawh a, tunah hian enkawllai mi 60 awmin COVID-19 avanga nunna chan hi Mizoram-ah an la awm lo a ni.