Serchhip-ah p-MPSE hawng

Serchhip District chhunga ‘Programatic-Mapping and Population Size Estimation-2020’ (p-MPSE) kalpui turin nimin khan Serchhip CMO, Dr. Laldawngliana Sailo chuan a hawng. p-MPSE hawnna hun hi nimin khan Serchhip CMO Conference Hall-ah neiin he hun hi p-MPSE Community Advisory Board (CAB) Chairman, Dr. Lalhlunpuii chuan a kaihruai a, he hmalakna tur hawngtu Dr. Laldawngliana Sailo chuan he hmalakna hi Serchhip District-ah tha taka bawhzui a pawimawh thu a sawi bawk.

Nimin-a he hun hmanna ah hian MSACS Project Officer, Darthakunga chuan p-MPSE chungchang hi sawifiahin he hmalakna hnuaiah hian HIV/AIDS darh zel tur venna kawngah hmalak a ni dawn a, hemi atan hian Serchhip District chhunga khaw hrang hrangte chu then sawmin, HIV/AIDS hri kai la hmuhchhuah loh te zawng-chhuaka enkawlna pek bakah hri kai hlauhawm dinhmun a ding (High Risk Group) te HIV/AIDS laka venhim an nih theihna turin ruahmanna siam a ni dawn a. Nimin-a a hawnna Programme hman a nih hnu hian Community Advisory Board thut-khawm hi neiin hmalak dan tur hrang hrang hi an duang nghal a, he ruahmanna hi NACO-ah thehluh leh a ni dawn a ni.