Ram buai-ah inremna siam

Tunhnaia Serchhip District chhung, Lungkawlh khuaa Cultural Centre-cum-Public Toilet sakna tur ram chungchanga harsatna awm chu chinfel a ni ta.

Tarlan tawh angin Lungkawlh khua ah hian BADP sum hmangin Cultural Centre-cum-Public Toilet sak tura ruahman niin a sakna tur hmun ruahman chu a bula awm, Sang-chhingpuii chuan a ramchhung nia a sawi avangin ruahman aia te-a sak a ni a. Hei hi Lungkawlh YMA chuan tha ti lovin thuneitute hnena thlenin tunhnai khan Revenue Department-ah thlen zui leh a ni.

Hetianga harsatna a thlen hnu hian Revenue Department hian niminpiah khan Surveyor chu a hmunah tirin ram neitu nia inchhal te bakah YMA leh VC te nen VC Hall-ah helai ram chung-chang hi an sawiho a, hemi hnu hian inremna siamin Cultural Centre-cum-Public Toilet sak dan tur hi ruahmanna siam a ni ta a ni. He inremna siam ah hian ram neitu bakah Lungkawlh VCP leh Renue Department aiawh bakah Serchhip Sub-Hqrs. YMA Vigilance & Monitoring Committee Chairman ten an hming an ziak a ni.