Mizoram-ah COVID-19 hri kai mi 200 an chuang ta
Niminpiah khan ZMC Laboratory-ah Swab Sample 115 enfiah niin COVID-19 hri kai pakhat hmuhchhuah a ni a, nimin khan Lunglei-ah hri kai pathum hmuhchhuah leh niin Mizoram-a hri kai hmuhchhuah chu 200 an chuang ta a ni.
Niminpiah-a ZMC Laboratory-a Swab Sample enfiah te hi Aizawl leh Kolasib District bakah Assam mi 1, an vaiin mipa 107 leh hmeichhia 8 niin hri kai hmuhchhuah hi hmeichhia kum 24 a upa, Ko-lasib District ami Greece atanga lo haw niin Mumbai a thlen veleh thla khat quanrantine a ni a, hemi hnu hian Mizoram rawn panin June ni 28 khan Thingdawl (Polytechnic) Quarantine Facility-ah lut lehin, July ni 3, 2020 khan Swab Sample laksak a ni a. Tun dinhmunah Symptoms a nei rihlo tih sawrkar thuchhuah chuan a tarlang.
Hei bakah hian nimin khan Lunglei Civil Hospital TrueNAT Laboratory-a Swab Sample 19 enfiah niin heng atang hian COVID-19 hri kai mi 3 hmuh belh an ni a, heng te hi 60 Bn. BSF mi leh sa, mipa vek, kum 50 a upa pahnih leh kum 58 a upa pakhat an ni a, Jammu & Kashmir, West Bengal leh Uttar Pradesh atanga July ni 1, 2020 a rawn thleng, Quarantine Centre-a awmlai leh hri lanchhuahna neilo te an ni.
Hetihlai hian Mizoram-a hri kai ZMC a enkawl Aizawl District mi 3 leh Lunglei District mi pakhat te chu enkawl dam an nih hnuah nimin khan damdawi In atanga chhuahtir an ni a, heti hian Mizoram-ah COVID-19 hri kai hmuh-chhuah mi 201 awm tawhin heng te hi Mipa 113 leh hmeichhia 88 an ni a, an zinga mi 143 te chu enkawl dam ni tawhin hri kai enkawllai mi 58 an la awm bawk a ni. Hri kai enkawllai zinga tam ber hi Aizawl District mi niin mi 23 enkawl mek an ni a, Siaha-ah 14, Lunglei-ah 10, Lawngtlai leh Mamit-ah 4 ve ve, Champhai-ah 2 leh Kolasib-ah pakhat enkawl mek an ni.
Darkar 24 chhungin hri kai 22,752 awm belh leh
Darkar 24 kalta chhung khan India ramah hri kai hmuhchhuah thar 22,752 awm lehin hemi chhung hian dam-a puan mi 16,883 leh nunna chan mi 482 an awm. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample enfiah 2,62,679 awm lehin heng atang hian hri kai hmuhchhuah 22,752 an awm leh a, heng mite nen hian tun thlenga hri kai hmuhchhuah chu 7,42,417 an tling tawh a ni. Hri kai hmuhchhuah zingah hian mi 4,56,830 te chu enkawl dam ni tawhin hei hi hri kai hmuhchhuah zawng zawng atangin zaa 61.53 an ni a, tunah hian hri kai enkawllai 2,64,944 awm mekin hri kai enkawl lai aiin enkawl dam hi 191,886 in an tam zawk a ni.
India ramah hian hri kai zingah nunna chan pawh an la awm ve zel a, darkar 24 kalta chhunga mi 482 ten nunna an chan hnu hian nunna chan zawng zawng chu 20,642 an tling tawh bawk a, hri kai hmuhchhuah zawng zawng atang hian nunna chan hi zaa 2.78 an tling bawk a ni. ICMR chhinchhiah dan chuan India rama sample test tawh zawng zawng hi 1,04,73,771 a ni.
Darkar 24 chhungin hri kai 22,752 awm belh leh
Darkar 24 kalta chhung khan India ramah hri kai hmuhchhuah thar 22,752 awm lehin hemi chhung hian dam-a puan mi 16,883 leh nunna chan mi 482 an awm. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample enfiah 2,62,679 awm lehin heng atang hian hri kai hmuhchhuah 22,752 an awm leh a, heng mite nen hian tun thlenga hri kai hmuhchhuah chu 7,42,417 an tling tawh a ni. Hri kai hmuhchhuah zingah hian mi 4,56,830 te chu enkawl dam ni tawhin hei hi hri kai hmuhchhuah zawng zawng atangin zaa 61.53 an ni a, tunah hian hri kai enkawllai 2,64,944 awm mekin hri kai enkawl lai aiin enkawl dam hi 191,886 in an tam zawk a ni.
India ramah hian hri kai zingah nunna chan pawh an la awm ve zel a, darkar 24 kalta chhunga mi 482 ten nunna an chan hnu hian nunna chan zawng zawng chu 20,642 an tling tawh bawk a, hri kai hmuhchhuah zawng zawng atang hian nunna chan hi zaa 2.78 an tling bawk a ni. ICMR chhinchhiah dan chuan India rama sample test tawh zawng zawng hi 1,04,73,771 a ni.
Comments
Post a Comment