KTP General Conference Organising Comtt. thukhawm

Kumin February thlaa Serchhip in KTP General Conference a dawn tuma Organising Committee chu Inrinni khan Serchhip Kawnpui Kohhran Jubilee Hall-ah thukhawmin Conference neih zawh tak an thlirlet.

Serchhip in KTP General Conference a thlen-a bungrua senghawi te zawh a nih hnuah rampumah inkharkhipna kalpui zui nghal a nih avangin Conference thlirtletna hi neih theih a ni ta lawk lova, Inrinni khan Conference thlirletna hi neiin Organising Committee pawh an thiat nghal a ni.

Finance report atanga a lan danin KTP General Conference neih zawh takah khan a tira Budget ruahman chu cheng nuai 70 niin a hnuah cheng nuai 60-ah siamthat leh a ni a, General Conference dawngtu tanpuina hi Kohhran, Bial KTP, Branch KTP, mimal leh pawl hrang hrang atangin Rs. 5,28,750/- an hmu a. KTP General Conference puala Organising Committee in sum an hmuh zawng zawng chu Rs. 66,43,310/- niin sum an hmanral zawng zawng chu Rs. 60,82,607/- a ni a. Sum hmanbang hi Rs. 5,60,703/- a awm a ni.

KTP General Conference Organising Committee thukhawm hian heng an sum bang hman dan tur an ruahman nghalin KTP General Conference vawi 59-na thlengtu tur Kolasib chu Rs. 1,00,000/- a tanpui nise an ti a, a bang la awm chu a inang tlangin Serchhip khawchhunga Pastor Bial 3 (Bial Standing) ah insem nise an ti bawk.