Serchhip District Bawrhsap in Thenzawl-ah Damdawi In, JNV leh Horticulture College a tlawh

/
Serchhip District Bawrhsap, Kumar Abhishek IAS chuan Serchhip District Bawrhsap hna a chelh hnua District a fanna hmasa berah nimin khan Thenzawl tlawhin Thenzawl CHC, AYUSH Hospital leh Jawahar Navodaya Vidyalaya (JNV) bakah Horticulture College tur sak mek pawh a tlawh nghal bawk.

Nimin-a Thenzawl tlawhtu District Bawrhsap hian Thenzawl-a Community Health Centre (CHC) leh Integrated AYUSH Hospital te chu a hmunah tlawhin thawktu ten an lo dawngsawng a, tunlai-a hri leng mek avanga an hmalakna te damdawi In hotute chuan Bawrhsap hi lo hrilhin, COVID avanga damlo te enkawlna tur hmun tura ruahman te pawh a tlawh nghal a, thawktute himna tur ngaihtuah chunga damdawi In thuneitu ten damlo enkawlna tur hmun (Ward) an siam chu tha a tih thu a sawi bawk.
Thenzawl-a Integrated AYUSH Hospital hi COVID-19 avanga hri kai te enkawlna hmun, COVID Care Centre (CHC) atana hman tura ruahman a ni a, hei hian hri kai rinhlelh ni lo damlo dang inentir duh leh damdawi In-a admit ngaite tan harsatna a thlen theih thu pawh he hunah hian sawichhuah niin District Bawrhsap chuan Health Department hotute nen sawiho in ruahmanna tha zawk siam a nih theih a beisei tih a sawi a, remchang hmasa berah thuneitute chu sawihopui a tum thu a sawi a. Damdawi In-a thawktute chu mipui te tana thawk an nih avangin thahnemngai taka theitawp chhuah chhunzawm zel turin a fuih bawk.
Hemi hnu hian Bawrhsap hian Thenzawl-a Jawahar Navodaya Vidyalaya (JNV) pawh tlawh nghalin JNV Management Committee-ah hian District Bawrhsap hi Chairman ni nghal an ni a, Bawrhsap hi JNV-a thawktu ten lo dawngsawngin an School hmunhma te a tlawh bakah thawktute nen inkawmin inhmelhriatna an neih bakah an hmalakna leh an dinhmun hrang hrangte an sawiho nghal bawk a ni.
Bawrhsap hian Central Agricultural University hnuaia Thenzawl-a Horticulture College pawh tlawhin thawktu ten lo dawngsawngin an dinhmun leh hmalakna hrang hrang bakah harsatna an neih te an lo thlen bawk a, heng harsatna an neih te hi a theih anga a sutkian dan ngaih-tuahpui a tum thu Bawrhsap hian a sawi bawk a, Thenzawl-a Horticulture-ah hian building sak hna thawh mek niin tunah hian Classroom lailawk-ah Class kalpui mek a ni.
Bawrhsap hi Serchhip SP, R. Sathiya-sundaram IPS leh Thenzawl SDO (Civil), Kulothungan A, IAS te chuan an tawiawm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »