Chanchin thar thenkhat :

Siaha-ah Vawk kahrai kalpui

Nimin khan Siaha-ah Vawk kahrai, Artificial Insemination (AI) Programme tlangzarhna neih a ni a, MADC-a CEM, N. Zakhai chuan khuallian niin a hmanpui a ni. Vawk kahrai hi kum 2011 khan Satellite Boar Semen Station Programme hnuaiah hma lak tan niin; infrastructure hi Cattle Breeding Farm,Siaha-ah din a ni a, amaherawh chu PRRS avanga kum engemaw zat a hlawhchham hnuah kum 2019 khan bul tan that leh niin tunah hian a Chi thlahtu tur Vawk Pa 2; Landrace leh Yorshire chu nikum February thla khan Lungpuizawl atanga a note a an lak chu puitling tawhin; a chi lak tan a ni tawh a, a enchhinna pawh neih ni tawhin Vawkpa pakhat chi hian Vawkpui 100-250 a kah rai theih a, tunah hian Siaha-ah hian Vawkpui 280-300 vel awm mek a hriat a ni.

Khuahkhirhna hlip then
Mizoram chhunga nitin mamawh thil ni lo, bungraw chi dang phur lirthei luh leh veivah chungchanga khuahkhirhna siam chu tun thla ni 8 atang khan hlih niin, bungraw dang zawng zawng te pawh phurhluh remtih niin Home Department atanga dilna lak hmasak a ngai tawh lo tih sawrkar thuchhuah chuan a tarlang a. Amaherawh chu bungraw phurlut tur tana mCOVID-19 app leh  website: m.covid19.mizoram.gov.in-a mPASS Registration erawh tih ngei ngei tur ala ni thung a, Entry Point-ah te Self Declaration thehluh chhunzawm zel tur a ni bawk ang.

Mi 13,111 rawn haw tawh
Rampum-a inkharkhip kalpui a nih avanga State pawn-a Mizoram mi tangkhang rawn haw chu mi 13,111 an tling tawh. COVID-19 Task Group on Migrant Workers & Stranded Travellers chhinchhiahna atanga a lan danin State pawn atanga rawn haw duh in hriattir hi mi 14,401 niin an zinga 13,111 te chuan Mizoram an rawn thleng tawh a, kawnglak-a thang mek 14 awmin rawn haw tur la chhinchhiah 1290 an la awm bawk a ni.

MCS ten training zofel
Mizoram Civil Service (MCS) 2019 Batch ten thla 12 chhung Foundation Training an neih chu nimin khan zofelin nimin khan ATI Auditorium-ah Training kharna neih a ni a, he hun hi Deputy Chief Minister, Tawnluia chuan hmanpuiin Mizoram neitu thinlung pu chunga hna thawh a tul thu sawiin MCS te chu a fuih a ni.

Hri kai 23 hmuh belh an ni
Niminpiah khan Mizoram-ah COVID-19 hri kai mi 23 hmuhchhuah leh an ni a, heng zinga mi 22 hi mipa (sipai) niin pakhat hi hmeichhia  ani thung a, West Bengal atanga rawn haw a ni. Sipai zinga hri kai hmuhchhuah 7 hi NDRF mi leh sa, Lungverh-a awm niin midang 15 hi Assam Rifles, Zokhawsang-a awm an ni thung.

Comments

Chhiar Hlawhte