India ramah hri kai an la pung chho zel

India ramah COVID-19 hri kai hmuhchhuah leh enkawl dam an pung zel a, nimin thleng khan hri kai hmuhchhuah chu 6,73,165 an tling tawh.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 2,48,934 enfiah leh niin heng atang hian hri kai hmuhchhuah thar 24,850 an awm leh a, hei hi darkar 24 chhunga hri kai hmuhchhuah tam ber tum a ni leh a ni. Heng mite nen hian tun thlenga India rama hri kai hmuhchhuah chu mi 6,73,165 an tling tawh a ni.

Hri kai hmuhchhuah atang hian mi 4,09,082 te chu enkawl dam ni tawhin hei hi hri kai hmuhchhuah zawng zawng atanga chutin zaa 60.76 a tling tawh a, tunah hian mi 2,44,814 te chu enkawl mek niin hri kai enkawllai aiin enkawl dam hi 164,268 in an tam zawk a ni.

Hetihlai hian darkar 24 kalta chhung khan mi 14,856 te chu dam-ah puan niin nunna chan mi 613 zet an awm leh thung a, tun thlenga nunna chan hi mi 19,268 tling tawhin hei hi hri kai hmuhchhuah atangin zaa 2.86 an tling bawk a ni. ICMR chhinchhiah danin nimn thleng khan India ramah mi 97,89,066 te Sample enfiah a ni tawh bawk.

Chhinchhiahna atanga a lan danin khawvel pumah hri kai hi mi 113,70,241 an tling tawh a, nunna chan mi 532,834 tling tawhin enkawl dam pawh mi  6,428,920 an tling tawh bawk a ni.