Dist. hrang hrang dinhmun

Autonous District Council huamchhung tihloh Mizoram District hrang hrangah Village Council (VC) inthlan hun tur hriat la ni lo mah se niminpiah khan District hrang hrangah VC inthlanpui-a hman tur Electoral Roll tlangzarh a ni. Aizawl District-ah chuan Local Council 83 leh Village Council 67 a awm a. Local Council 83-ah hian vote nei mi 2,18,758 an awm a, heng zinga 1,17,037 chu hmeichia niin midang 1,01,721 chu mipa an ni. Aizawl District-a Village Council 67-ah hian vote nei mi 59,381 an awm a, hmei-chhia 30,326 leh mipa 29,055 an ni bawk.
Electoral Roll tlangzarh tak atanga a lan danin Lunglei District-ah chuan Village Council 113 awmin vote nei mi 87,460 an awm a, heng te hi mipa 43,585 leh hmeichhia 43,875 an ni. Champhai District-ah chuan VC 62 awmin Vote nei mi 50,452 an awm a. Kolasib District-ah chuan VC 56 awmin Voter 60,634 an awm a, an zinga 29,435 chu mipa niin hmeichhia 31,199 an ni bawk. Mamit District-ah chuan kumin hian VC pathum (3) siam belh niin VC 91 a awm tawh dawn a, Vote nei thei mipa 33,449 leh hmeichhia 32,392, an vaiin 65,841 an awm dawn bawk a, Mamit District-ah hian Sub-Village 11 zet ala awm bawk a ni.
Khawzawl District thar pian hnua VC Election hmasa bera hman tur Electoral Roll pawh nimin khan tlangzarh a ni bawk a, Khawzawl District chhungah hian Village Council 38 awmin nimin-a Electoral Roll tlangzarh takah hian vote nei 25,733 an awm a, an zinga 12,641 chu mipa an ni a, hmeichhia 13,092 an awm bawk. Hnahthial District-ah chuan VC 32 awmin Vote nei 21,427 an awm a, heng te hi mipa 10,535 leh hmeichhia 10,892 an ni. Saitual District-ah chuan VC 44 awmin Vote nei 37,617 an awm dawn a, heng te hi mipa 18818 leh hmeichhia 18799 an ni.

Comments

Chhiar Hlawhte