Hri kai zingah Paramilitary Force mi leh sa an tam

Niminpiah khan Mizoram-ah COVID-19 hri kai mi 5 hmuhchhuah belh leh niin heng mite hi BSF sipai vek an ni a, Mizoram-a hri kai hmuhchhuah zinga zaa 26.89 chu Paramilitary Force mi an ni.

Sawrkar thuchhuah tarlan danin niminpiah khan ZMC Laboratory-ah Swab Sample 224 enfiah leh niin heng atang hian hri kai 5 hi hmuh belh an ni a, an vai hian mipa vek, Aizawl District atanga Sample lak, BSF sipai kum 42 leh 53 inkara upa, Maharashtra mi 2, Jharkhand mi 2 leh West Bengal mi 1 an ni a. An vai hian Falkland-a RAY Building-a Quarantine lai mek an ni a, COVID-19 symptoms nei an awm rihlo bawk. Heti hian Mizoram-ah hri kai hmuhchhuah 238 an tling ta a, heng zinga 174 (73.10%) chu Civil mi niin midang 64 (26.89) chu Paramilitary Force (BSF, Assam Rifles leh NDRF) mi leh sa an ni a, tunah hian hri kai enkawllai 79 la awmin 64 (81.01%) chu Paramilitary Force mi leh sa niin 15 (18.98%) chu Civil mi an ni thung.