Latest News

Remna Ni hman a ni

Nimin June 30, 2020 kha India sawrkar leh MNF ten inremna an ziahna Ni champha-phak, Remna Ni vawi 34-na a ni a, inkharkhipna kalpui mek a nih avangin he Ni puala hun hman liantham erawh a awmlo thung.
MNF ten kum 1966 atanga Mizoram tana zalenna an sual avanga an rammut hnuah kum 20 leh thla 3 chhung ram-buai-ah Mizoram chu a awm a, MNF leh India sawrkar aiawh te chuan Dt. 30.06.1986 zan dar 1:00 PM khan inremna hi an ziak a, he inremna thluthlung ah hian India sawrkar aiawhin R.D. Pradhan, Home Secretary of India; MNF Party aiawhin Laldenga, President MNF leh Mizo-ram sawrkar aiawhin Lalkhama, Chief Secretary, Government of Mizoram chuan hming an signed hnan a ni a, Mizoram chuan remna leh muanna neiin he inremna hi khawvel-a remna hlawhtling ber pawl nia ngaih a ni.
Remna Ni hi sawrkar Pisa chawlh ah puan niin zirna In leh sawrkar Pisa te khar thin a nih bakah he Ni pual hian hun te hman thin a ni a, amaherawh chu kumin hian inkharkhipna kalpui mek a nih avangin Remna Ni puala inkhawm leh puilunna hun buatsaih erawh Serchhip-ah a awm lo thung a ni.

Comments

Popular News (Last 30 Days)