Sa rate zawmlo man an ni

/
Tunhnaia Serchhip District Bawrhsap hova Sa zuartute leh Sawrkar hotute bakah tlawmngai pawl ten Serchhip-a Sa man an bithliah zawmlo enfiah hna chu Inrinni zing khan thawh a ni a. He hunah hian Legal Metrology-a Inspector te bakah Consumer Association, Serchhip Sub-Hqrs. YMA leh MJA Serchhip District aiawhte telin Sa man an lo bithliah tawh zawm lova Vawksa rep zuar mi 5 leh Bawngsa zuar mi 2 te chu man niin heng mite hi Vawiin hian Legal Metrology Office-a inlan tura koh an nih bakah a tul anga hma la zui turinBawrhsap hnenah thlen a ni bawk ang.

Hetihlai hian Sa rate siam thar hi Ser-chhip Bazar nilo, Serchhip khawchhung hmun-dang-a zuar te chuan an zawm nia thudawn a ni a, Arsa man tura lo bithliah tawh chu Ar zuartu ten an Ar lak sa tihralna hun an dil angin Inrinni thleng khan Kg. ah Rs. 350/- a la zawrh niin Vawiin atang hian Kg. ah Rs. 300/- a zawrh tan a ni thung ang.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »