Latest News

India-ah COVID-19 hri kai 7,93,802 an tling tawh

India rama COVID-19 hri kai hmuhchhuah chu nimin khan mi 7,93,802 an tling ta a, darkar 24 kalta chhung khan hri kai hmuhchhuah 26,506 an awm leh a ni.
Sawrkar laipui-a Ministry of Health & Family Welfare chhinchhiahna atanga a lan danin darkar 24 kalta chhung khan India ramah mi 2,83,659 te Sample enfiah leh niin heng atang hian hri kai hmuhchhuah thar 26,506 an awm leh a, heng te nen hian India rama hri kai hmuhchhuah hi 7,93,802 an tling ta a ni. India rama COVID-19 hri kai hmuhchhuah atang hian mi 4,95,512 te chu enkawl dam an ni tawh thung a, hei hi hri kai hmuhchhuah atangin zaa 62.42 a ni a, tunah hian enkawllai mi 2,76,685 awmin hei kai enkawllai aiin enkawl dam hi 2,18,817 in an tam zawk a ni.
Hetihlai hian darkar 24 kalta chhung vek khan hri kai zingah nunna chan mi 474 an awm leh bawk a, heng te nen hian hri kai zinga nunna chan chu 21,604 an tling tawh a, hei hi hri kai hmuhchhuah atangin zaa 2.72 a ni bawk. ICMR chhinchhiah danin nimin thlenga India rama Sample enfiah tawh zawng zawng chu 1,10,24,491 a tling tawh bawk a ni.

Comments

Popular News (Last 30 Days)