Mizoram-ah mi 14,738 te inkhunghrang zo tawh

COVID-19 hri leng avangin Mizoram pumah inkhunghrang mi 16,916 awm tawhin mi 14,738 te chu chhuahtir an ni tawh thung.

Mizoram-ah hian Sawrkar hmunhma, Vantlang leh Kohhran hmunhma leh man chawi a inkhunghranna hmunah mi 17,068 inkhunghranna awmin heng hmun hrang hrangah hian mi 16,916 te chu inkhunghrang tura dahluh an ni tawh a, an zinga mi 14,738 te chuan an inkhunghran hun hmang zova chhuak tawhin mi 201 te chu Isolation tura dah leh an ni thung a, tunah hian Quarantine Centre hrang hrangah hian mi 1977 an awm mek a ni.

Sawrkar chhinchhiah danin Mizoram-ah hian sawrkar hmunhma-ah mi 9239 tan inkhunghran theih niin mi 10,875 dahluh ni tawhin mi 9363 an chhuak tawh a, mi 182 te chu Isolation-a dah niin inkhunghrang mek mi 1330 an awm a, Vantlang hmunhma ah mi 7760 tan inkhunghran theihna awm bawkin mi 3947 dahluh tawh atangin mi 3857 chhuak tawhin Isolation-ah mi 16 dah niin inkhunghrang mek mi 74 an awm a. Man chawi-a inkhunghranna hmunah mi 93 inkhunghrang tawhin mi 50 an chhuak tawh a, inkhunghrang mi 42 awm mekin pakhat chu Isolation-a dah a ni tawh bawk.