Lockdown hnuah lirthei ziahluh thar tlahniam

COVID-19 vanga lockdown puan a nih vangin lirthei register thar zat a tlahniam hret a, hetihlai hian kumin March atanga June thla chhunga lirthei register thar zat chu 4,841 a la tling thung.
Mizoram State Transport Department-a IT Cell thawktute sawi danin, kumin March - June inkar chhung khan Aizawl District (Urban)-ah lirthei 2,855 register thar a awm a, Aizawl District (Rural)-ah 258 register thar awmin Lunglei District-ah 402 awmin, Siaha District-ah 192, Champhai District-ah 292, Kolasib District-ah 278, Serchhip District-ah 239, Lawngtlai District-ah 219 leh Mamit District-ah 106, a vaiin lirthei 4,841 register thar a awm a ni.
Mizoram District hrang hranga DTO zingah Aizawl DTO (Urban) chu lirthei registration ti thar tamna ber leh lirthei chhiah hmu hnem ber a ni a, DTO, Aizawl (Urban) ah COVID-19 vanga lockdown puan a nih hma khan chawhrualin nitin lirthei registration tih thar 72 awm ziah ang a ni a, thla 1-ah ringawt pawh lirthei 1,440 lirthei awm thar ziah ang a ni a. Hetihlai hian lockdown chhung March - June ah erawh thla khat chhungin lirthei 700 bawr vel register thar awm anga ngaih a ni thung.
Transport Department chhinchhiah danin, kum 2014-2015-a Mizoram-a lirthei awm zat chu 1,51,486 a ni a. Hemi kum hian nitin lirthei 39 awm thar anga ngaih a ni a. Hetihlai hian kumin 2020 ah chuan Aizawl District chhung ringawta lirthei awm zat pawh nuai 2 a tling thuak tawh a ni.

Comments

Chhiar Hlawhte