YMA in hnathawh enfiah

Serchhip Sub-Hqrs. YMA Vigilance & Monitoring Committee chuan nimin zing khan Serchhip P&E Veng leh Tlangnuam inkar-a kalna siamthat hna thawh mek chu an enfiah.
Serchhip Sub-Hqrs. YMA chuan UD&PA Department hnuaia thawh, Serchhip Tlangnuam leh P&E Veng inkalpawhna kawng siamthat hna hi C. Darbiakthanga, New Serchhip chuan thawkin kawng hi metre 190 vela thui siam tura ruahman a ni tih an sawi a, tunah hian la siam zawh loh niin an thudawn bawhzuiin helai hmuna hnathawh hi an enfiah thu an sawi.
He hnathawh enfiahna ah hian hna thawk mektu leh Department lam aiawhte pawh telin hnathawh tawh chin chu a tha thawkhat nia hriat a ni a, hnathawhna atana an hmanraw hmanah pawh sawiselna tur a awm lemlo nia thudawn niin, amaherawh chu kawng chhuat thenkhat leh sawisel ngai awm dang te chu YMA Vigilance & Monitoring Committee lam chuan siamtha leh turin Contractor chu an ngen a, Contractor chuan an lo siamthat leh tur thu a sawi bawk.

Comments

Chhiar Hlawhte