Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Agriculture Minister in ‘Fairel bel’ a tlangzarh

Agriculture Minister, C. Lalrinsanga chuan nimin khan Commissioner Lalkiamlova lehkhabu ziah ‘FAIREL BEL’ tih chu Aizawl Tuikual-a Territorial Headquarters Booth Mansion Conference Hall-ah a tlangzarh.
He lehkhabu tlangzarhna hunah hian Agriculture Minister chuan he lehkhabu hi lehkhabu tangkai tak, kuthnathawktute mai nilo mipui mimir ten kan hman tangkai theih tur a ni tih a sawi a. Economic Development tana pawimawh, Agriculture lam hawi zawnga ziah he lehkhabu hi ram sum leh pai dinhmun hmasawnna zel turah mipui tan a tangkai theih tur thu a sawi a, lehkhabu tha tak, thlarau lam thlenga chhiartute kaihruai thei tur lehkhabu a ni, a ti bawk.
Agriculture Minister, C. Lalrinsanga chuan COVID-19 boruak ah tun dinhmunah harsatna kan tawh karah intodelh tumna mipuite zinga chona thar awm chu, a lehlam-a malsawmna a ni tih a sawi a. Intodelh turin Agriculture Department chu nasa takin a inbuatsaih zel tih sawiin, loneitute tana hamthatna tur Scheme, Central sawrkar atangin ruahmanna a awm mek thu leh, loneitu ten pung tlema loan an lak theihna tur anih thu a sawi bawk.

Comments

Chhiar Hlawhte