Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

MCS Officer te siksawi

Mizoram sawrkar chuan Mizoram Civil Service (MCS) Officer thenkhat awmna siksawiin Serchhip-a SDC leh DLAO hna chelh mektu, Denny Lalchhuanawma chu Bungtlang ‘S’ BDO hna chelh tura sawn a ni a, Champhai-a SDC hna chelh mektu, Dr. Manesia Khaimeichho chu Serchhip-ah SDC hna chelh tur leh DLAO mawh-phurhna la tel tura dah a ni bawk.

Hetihlai hian tunhnaia MCS Officer lak thar te chuan Foundation Training Course an neih zawh hnuah an awmna tur siamrem nghal a ni a, Serchhip-a SDC tura rawn dah tawh, F. Lalnisai chu Serchhip-ah SDC hna chelh zui tura dah a ni bawk.

Comments

Chhiar Hlawhte