Bazar building hawng dawn

Rampum-a inkharkhip kalpui a nih avanga thla thum (3) chuang zet hawn tawhloh Serchhip Bazar Building chu Vawiin atang hian hawn tan a ni dawn ta a, chawhmeh leh thawmhnaw te pawh zawrhchhuah nghal a ni ang.
Serchhip Bazar building-a chawhmeh zawrhna leh thawmhnaw (Readymade) bakah Secondhand zawrhna te hi rampum-a inkharkhip kalpui a nih, March thla chawhnu lam atang khan mipui tlawhpawh theih loha khar nghal a ni a, sawrkar in inkhar-khip kalpui mek thlahdul hret hret mah se Bazar Building hi hawn remtih zingah a tel loh avangin chawhmeh zuartute pawh an hmun hrang hrangah chawhmeh zawrhna hmun siam sak an ni.
Amaherawh chu tun thla tir atanga ram-pum a inkharkhip zangkhai zawka kalpui a nih tak hnuah Vawiin atang hian Bazar Building pawh hi hawn a ni dawn ta a, chawhmeh zuartute leh a chunglam-a dawr nei te pawh inhawn phal-sak vek an ni a, amaherawh chu Serchhip-IV VLTF te chuan mipui pungkhawm tam lutuk tur leh inhnaihchilh lutuk tur vengin Bazar building-a lut tur leh chhuak tur enpui leh venhim hna an thawk dawn a ni.

Comments

Chhiar Hlawhte