Serchip District-ah inkhunghrang 179 awm mek; Hri kai enkawl thenkhat an dam dawn hnai

COVID-19 hri leng avangin Serchhip District-a inkhunghranna hmun hrang hrangah mi 1400 dahluh ni tawhin mi 1221 chhuahtir an ni tawh a, tunah hian inkhunghrang mi 179 an awm mek a, inkhunghrang mek 179 zinga 18 te hi hri kai enkawllai niin thenkhat hi tunkar hian dam-a chhuahtir theih beisei an ni.

COVID-19 hri leng laka mipui an him theihna tur leh mipui-ah hri a darh lohna tura sawrkar in inkhunghranna a kalpui mekah hian tun thlengin Serchhip District-a sawrkar hmunhmaa inkhunghranna, Govt. Quarantine Facility-ah mi 523 dahluh ni tawhin mi 453 chhuahtir an ni tawh a, inkhunghrang mi 70 an la awm mek a. Kohhran leh Vantlang hmunhma-a inkhunghranna hmun, Community Quarantine Centre-ah mi 164 inkhung-hrang tawhin heng mite hi chhuahtir vek an ni tawh thung a. Mahni In lama inkhunghrang mi 661 awm tawhin mi 570 te chu chhuahtir an nih bakah inkhunghrang mi 91 an la awm mek bawk a ni. Hei bakah hian COVID-19 hri kai enkawlna hmun, Tarpi tlang SIRD hmun-a Dedicated COVID Health Centre-ah hri kai mi 5 enkawl mek niin Thenzawl-a AYUSH Hospital-a COVID Care Centre (CCC)-ah hri kai mi 13 enkawl mek an ni bawk a, Serchhip District-ah hian hri kai enkawllai mi 18 an awm mek a ni.
Heti hian Serchhip District-a Sawrkar hmunhma, Vantlang leh Kohhran hmunhma leh mahni In lama inkhunghrang mi 1,348 an awm tawh a, heng atang hian mi 1,187 te chu chhuahtir an ni tawh a, tunah hian inkhunghrang mi 161 an awm mek a, heng bakah hian hri kai leh hri kai nia rinhlelh te enkawlna hmun, DCHC leh CCC-ah mi 52 dahluh ni tawhin mi 34 chhuahtir an ni tawh bawk a, tunah hian mi 18 an awm mek thung a, heti hian inkhunghranna hmun leh hri kai enkawlna hmuna awm mek hi mi 179 an ni.
Hetihlai hian Inrinni khan Serchhip District atangin Swab Sample 17 te chu enfiah turin ZMC Laboratory-ah thawn leh niin heng atang hian hri kai hmuh belh an awmlo thung a. Thudawn danin tun tuma Serchhip atanga Swab Sample thawn te hi mipa 11 leh hmeichhia 6 niin tun tuma Sample thawn zingah hian Dedicated COVID Health Centre (DCHC), Serchhip-a awm mek leh COVID Care Centre (CCC), Thenzawl-a awm mek te Sample pawh telin an zinga hri kai tawhlo nia hriat thenkhat hi tunkar chhung hian anmahni enkawlna hmun atanga chhuahtir theih an beisei tih anmahni enkawltute chuan an sawi bawk.

Comments

Chhiar Hlawhte