Sipai lo dawnsawn dan tur sawihona neih a ni

/
Tunhnaiah Mizoram pawn atanga Sipai rawn lut zingah COVID-19 hri kai hmuhchhuah an awm avanga Serchhip District chhunga heng Sipai te lo dawnsawn kawnga hmalak dan tur sawihona chu nimin khan Serchhip District Bawrhsap hovin neih a ni.
He thutkhawm Serchhip DC Office-a neih ah hian Bawrhsap, Kumar Abhishek leh SP, R. Sathiyasundaram IPS bakah Serchhip-a awm 8th Bn. Assam Rifles-a Commandant leh Dawngzawl-a awm 60th Bn. BSF Commandant leh Serchhip CMO te telin tunhnaia Mizoram dinhmun hrang hrang sawiho a ni.
He hunah hian Assam Rifles te chuan Mizoram pawn atanga an Sipai rawn haw te chu an vaiin Zokhawsang-ah Quarantine hmasak zel an nih thu an sawi a, hei vang hian District chhungah a hran hmalak ngai lova ngaih niin Report erawh DC hnenah thehlut tura tih an ni a. BSF sipai zingah tuna Serchhip District rawn thleng tawh leh Quarantine Centre-a awm mek te chu Vawiin hian an Swab Sample te lain enfiah nghal nise an ti a, heng bakah hian la rawn haw zel tur an awm avangin heng mite hi Quarantine dan tur sawiho a ni a, BSF lam hian an hotu lian zawk te hnenah Mizoram-a rawn haw te a hlawma Quarantine an nih theih nan rawtna lo thlen se tiin ruahmanna siam a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »