Thla 5 dang PMGKAY kalpuina tur pawm a ni

Prime Minister, Narendra Modi-a kaihhruaina hnuaia Union Cabinet thukhawm chuan COVID-19 Economic Response peng pakhat atan a ruahman, Pradhan Mantri Garib Kalyan Anna Yojana (PMGKAY) chu thla nga dang - July atanga November, 2020 thleng pawtsei tura ruahmanna siam chu a pawm.

PMGKAY hnuaiah hian National Food Security Act, 2013 hnuaia beneficiary chhungkuate hnenah thla nga (5) dang thla tin Chana Kg. 1 a thlawna sem tur a ni dawn a. Hemi atan hian Chana MT nuai 9.7 chu State/UT te hnenah pek tura ruahman a ni a, hemi atana senso tur hi cheng vbc. 6,849.24 atang a chhut a ni.

He Scheme hian chhungkua vbc. 19.4 vel a huam dawn a, PMGKAY pawhsei leh atana senso zawng zawng hi sawrkar laipui in a tum dawn a. He Yojana pawhsei belh hi thla nga lo awm tur chhung a eitur neihloh vanga riltam an awmlohna tura ruahmanna a lo neih tawh zulzui a kalpui a ni. PMGKAY sem thawhkhatna (April to June 2020) khan ramchhung hmun hrang hrang a beneficiary chhungkua vbc. 18.2 hnenah Dal MT nuai 4.63 semchhuah a lo ni tawh a ni.

Hei bakah hian Union Cabinet thukhawm hian Ministry of Petroluem & Natural Gas rawtna pawmin Pradhan Mantri Garib Kalyan Yojana chu Ujjwala beneficiary te tan thla thum kalpui leh rih a remti a, Sawrkar chuan hri leng vanga harsatna tawk mi rethei leh harsa te tan he ruahmanna hi siamin, PMUY hnuaia LPG connection chu mi harsa te tana ruahman a ni a, he ruahmanna hnuaiah hian Ujjwala benficiary te hnenah April-June 2020 chhung khan cheng vbc. 9709.86 chu an Bank Account-ah dahluh niin, Gas cylinder vbc. 11.92 a pe chhuak tawh a ni.