BS&G ten Face Mask an sem

Zonuna Kawlni /
Serchhip District Bharat Scouts & Guides te chuan nimin khan Serchhip-a damdawi In leh DC Office-ah te hmui tuamna (Mask) thahnem tak an sem.
Tunlai-a hri leng mek, COVID-19 laka mipuite an him theihna tura hmalakna kal zelah hian Serchhip District Bharat Scouts & Guides te hian nimin chawhnu khan Serchhip DC Office-ah Mask 100 hlanin he hun hi Ser-chhip DEO leh Dy. District Commissioner, Zohmangaihi chuan hmanpuiin Bawrhsap, Dr. Lalzirmawia Chhangte hnenah a hlan a, Bawrh-sap chuan lawmthu a sawi bawk.
Hemi hmalam hian Serchhip District Hospital leh Mercy Hospital-ah te Face Mask hi hlanin he hun hi Serchhip SDEO leh Bharat Scouts & Guides-a Dy. District Commissioner, Vanlal-chhana chuan kaihruaiin damdawi In thuneitute hnenah Mask hi a hlan a, Serchhip District Hospital-ah hian Mask 150 leh Mercy Hospital-ah 100 an hlan a ni. Hei bakah hian Serchhip Bazar-a sumdawngte leh Traffic duty te hnenah Face Mask 100 an hlan bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »