Latest News

Kawlkulh PHC tan bialtu MLA in tan Ambulance hlan

Lengteng bialtu MLA leh Human Resources Development Board Vice Chairman, L. Thangmawia chuan Kawlkulh PHC hnenah nimin khan Ambulance a hlan.
Kawlkulh PHC hnena Ambulance hlanna inkhawm tawi hi tukin khan Lengteng bialtu MLA, L. Thangmawia chenna In, Mission Veng Aizawl-ah neih a ni a, Ambulance hi Kawlkulh PHC aiawhin Joy Lalromawii, Staff Nurse chuan a dawng a ni. He Ambulance thar hi bialtu MLA in MLA Fund atanga a lei niin Eeco 5str AC a ni a, Maruti Suzuki India Ltd. siam niin, GIG Motors, Edenthar Aizawl atanga lei niin Rs. 6,29,376/- senga lei a ni. Kawlkulh PHC-a Ambulance hi a hlui tawh avangin bialtu MLA hian MLA a nih tirh atangin a theih angin a ngaihtuah sak nghal a, kum 2019 atang khan Company liante hnenah Corporate Social Responsibilty (CSR) te beiseiin hma la mah se tunhnaia hri a len zui tak bawk avangin a hlawhtlinna hmuh mai theih a ni lova, amaherawh chu mamawhna a san tak em avangin MLA Fund atang hian an lei ta a ni. Kawlkulh PHC hnuaiah hian khaw 11 awmin mihring sing chuang an awm a, Sub-Center 7 leh Health Clinic 1 a awm a ni.

Comments

Popular News (Last 30 Days)