HSSLC Exam chhunzawm

/
Hri leng avanga pawl 12 (HSSLC) Exam neihlai chhunzawm theihloh chu nimin khan Mizoram pumah chhunzawm niin Serchhip-ah pawh Exam Centre, Govt. HSS Serchhip-ah Exam hi chhunzawm a ni a, Subject 5 Exam tur awmah Centre-a Exam lai mi 218 bakah hri leng avanga mahni Exam Centre-a Exam chhunzawm theilo mi 19 ten an Exam dawn a, Serchhip Centre a exam lai mi 3 te chu hmundang ah an Exam ve dawn bawk a ni.
Nimin a Exam tan a nih hma hian zirlaite chu kut silfai tir vek an nih bakah Exam Hall-ah Face Mask vuahtir vek an ni bawk a. Thermal Scanner hmanga zirlaite enfiah tura tih erawh Serchhip-ah chuan kalpui a ni lo nia thu-dawn a ni thung a, Exam hi naktuk ah zawhfel theih tura ruahman a ni.
Hetihlai hian kumin a HSLC Exam result chhuakta-a Subject bat nei te tana Exam pawh nimin khan Govt. H/S Serchhip Exam Centre-ah neih a ni bawk a, Serchhip District-a Compartmental chance nei mi 11 zingah mi 10 ten Exam Form hi fill-up in Exam an hmachhawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »