India-ah COVID-19 hri kai hmuh belh zel an ni

Darkar 24 kalta chhung khan India ramah COVID-19 hri kai hmuhchhuah thar 29,429 awm lehin India rama hri kai hmuhchhuah hi mi 9,36,181 an tling tawh.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 3,20,161 enfiah leh niin heta tang hian hri kai hmuhchhuah thar 29,429 an awm a, heng mite nen hian India rama hri kai hmuhchhuah chu 9,36,181 an tling ta a. Heng hri kai atang hian mi 5,92,031 te chu enkawl dam ni tawhin hri kai enkawllai 3,19,840 an awm a, hri kai enkawl dam hi hri kai zawng zawng atangin zaa 63.23 a tling tawh a, hri kai mek aiin enkawl dam hi 272,191 in an tam zawk bawk a ni.

Darkar 24 kalta chhung khan mi 20,572 te chu enkawl dam an niin nunna chan 582 an awm a, tun thlengin hri kai zinga nunna chan hi 24,309 niin hei hi hri kai hmuhchhuah atangin zaa 2.59 a tling tawh bawk a ni.