Upa T. Romama hnenah Award hlan a ni dawn

Mizorama thuziak thin inzawmkhawm pawl, Mizo Writer’s Association te chuan Serchhip pa lar, Pathian fakna hla a phuah te hmanga Mizo mipui ten an lo hmelhriat tawh, Upa T. Romama chu ‘Mizo Literary Award 2020’ an hlan dawn.

Mizo Literary Award hi Mizo Writers Association te hian mi hmingtha leh thu leh hla lama thawhhlawkte chawimawina atan an lo hlan tawh thin a, he Award hi kum 3 dana hlan thin niin kumin November 13-ah Aizawl-ah he Award hlanna hi neih tum niin kumin a he Award dawng tur hian Serchhip Dinthar Veng-a cheng mek, Upa T. Romama hi thlan a ni a, Award hian Citation bakah pawisa fai Rs. 5000 a keng tel a ni.

Upa T. Romama hian tunhma atang khan Pathian fakna hla tha tak tak tak a lo phuah tawh thin a, a hla phuah te hi Zoram dung leh vang-ah sak a niin a hlaphuah zingah hian ‘Kan beisei ram’ tih te, ‘Mi thianghlim te lenna’ tih te ‘Hawilopar’ tih leh ‘Thian duhawm Isua’ tih te chu a lar zual niin Kohhran thalai punkhawmna hmunah chuan a hlaphuah te hi sak lar ber pawl a ni thin a ni.