Serchhip District-ah hri kai enkawllai 16 awm

/

Serchhip District-ah COVID-19 hri kai enkawllai mi 16 awm mekin nimin khan hri kai pakhat chu enkawl dam a nih hnuah chhuahtir a ni.

Niminpiah lamah Serchhip-ah COVID-19 hri kai mi pathum hmuhchhuah an nih hnuah nizan hmasa khan Serchhip District-ah hian COVID-19 hri kai mi pakhat hmuhchhuah leh niin amah hi mipa kum 22 mi niin Assam atanga tun thla ni 14-a rawn lut, Tantia Company hnuaia thawk a ni a, Tantia Camp-a inkhunghrang lai a ni bawk. Hetihlai hian nimin khan Chhiahtlang CCC-a hri kai enkawllai mi pakhat chu enkawl dam niin chhuahtir a ni bawk a, hri kai enkawl dam hi Bhavya Company mi leh sa niin tun thla ni 10-a hri kai hmuhchhuah a ni thung.

Heti hian nimin thleng khan Serchhip District-ah COVID-19 hri kai hmuhchhuah chu mi 81 tling tawhin mi 65 te chu enkawl dam an ni tawh a, tunah hian hri kai enkawllai 16 awmin an zinga mi 15 te chu Serchhip-ah enkawl niin midang pakhat hi Thenzawl AYUSH Hospital CCC-ah enkawl a ni thung a, Serchhip District-a hri kai hmuhchhuah atangin zaa 80.24 te chu enkawl dam an ni tawh a ni. Hetihlai hian tunhnaia tualchhunga hri kai ten an kaichhawn chhui zui hna chu ngawrh taka thawh chhunzawm mek a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »