COVID-19 hri kai te enkawlna chungchang thlirho

Health Minister, Dr. R. Lalthangliana hovin niminpiah khan COVID-19 hri kai enkawl te chungchanga hmalakna hrang hrang thlirho a ni.

SAD Conference Hall-a he thutkhawm ah hian Health Minister chuan COVID-19 hri kai an pun zel avangin ruahmanna kalpui mek leh kalphung neih sa te chu ennawn a, thlirlet a tul thu a sawi a, “A tha ber kan duh avangin ngaihtuahna thar kan sen reng a ngai a, kan boruak tawn zel angin ruahmanna te herrem leh siamthat a tul fo thin a ni,” a ti.

Tunhnaia COVID-19 kai tharah naupang an tam avangin a bika naupang enkawlna tur, Child Freindly CCC ruahman chu ngaihpawimawh anih thu leh BSUP Durtlang, tuna CCC atana hman mek chu ruahman anih tawh thu a sawi a. Social Welfare Department nen inberawnin ITI Bal Bhawan, tuna Quarantine Centre a hman mek pawh a awm mek te an chhuah hunah hetiang atan hian ruahman mek a nih thu a sawi bawk.