Serchhip-ah kai thar awmlo

Zonuna Kawlni /

Niminpiah-a Serchhip District-a Sample enfiah ah COVID-19 hri kai hmuhchhuah thar an awm lova, Serchhip District-ah hri kai mi 69 enkawl mek an ni.

Serchhip CMO Office atanga thu kan dawn danin niminpiah khan Serchhip-a TrueNat Laboratory-ah Sample 19 enfiah niin Rapid Antigen Test hmangin Sample 2 enfiah a ni bawk a, heng atang hian hri kai hmuhchhuah thar an awm lova, nimin khan hri kai zingah enkawl dam awm lovin chhuahtir an awmlo bawk a ni. Heti hian tun dinhmunah Serchhip District-ah COVID-19 hri kai enkawllai mi 69 an awm mek a, heng zinga mi 63 te chu BSF Sipai, Nursing School CCC-a enkawl lai niin midang pathum te chu Chhiahtlang CCC-a awm an ni thung.

Nimin thleng khan Serchhip District-ah hri leng avanga inkhunghrang mi 158 la awmin nimin khan mi 20 chhuahtir an ni thung a, inkhung-hrang zinga mi 24 te hi mahni In lama inkhung-hrang niin midang 134 te chu sawrkar hmunhmaa inkhunghrang an ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »